އަތޮޅު މުބާރާތް ބޭއްވުމަށް ބޭނުންފުޅުވާ ކައުންސިލްތަކަށް އަތޮޅުކައުންސިލް އިދާރާއިން ހުޅުވާލި ފުރުޞަތުގައި މި އަތޮޅުގެ 3 ރަށަކުން މުބާރާތް ބޭއްވުމަށް ޝައުޤުވެރިވެ، ޕްރޮޕޯސަލް ހުށަހަޅުއްވާފައިވެ އެވެ. އެއީ މިއަތޮޅު ވިލިނގިލި ކައުންސިލް އިދާރާ، ދެއްވަދޫ ކައުންސިލްގެ އިދާރާ އަދި ދާންދޫ ކައުންސިލްގެ އިދާރާއެވެ. މި 3 ރަށުން ހުށަހަޅުއްވާފައިވާ ޕްރޮޕޯސަލްތަކަށް ބެއްލެވުމަށްފަހު 15 ފެބްރުވަރީ 2012 ވަނަ ދުވަހު އަތޮޅުކައުންސިލް އިދާރާގައި ބޭއްވުނު ކުއްލި ޖަލްސާއަށް ހުށަހެޅި މަޝްވަރާކުރުމަށްފަހު މި މުބާރާތް މި އަތޮޅު ދާންދޫގައި ބާއްވާ ގޮތަށް ވަނީ ހަމަޖެހިފައެވެ.

މި މުބާރާތަކީ މުބާރާތް ބާއްވާ ރަށަކުން މުބާރާތުގެ ބައިވެރިންނާއި، ބައިވެރިވާ ކުދިންގެ ބެލެނިވެރިންނާއި، އޮފިޝަލުންގެ ކެއުމާއި ހުރުން، އަދި މުބާރާތް ކުރިއަށް ގެންދިއުމުގެ އިންތިޒާމް ހަމަޖައްސަންޖެހޭގޮތަށް ބާއްވަވާ މުބާރާތެކެވެ. މި މުބާރާތް ހިނގަމުންދާނީ ފެބްރުއަރީ 23 ން 26 އަށެވެ.

މި ޖަލްސާ ބޭއްވިފައިވަނީ އަތޮޅުކައުންސިލްގެ 49 ވަނަ ޖަލްސާގެ އެޖެންޑާ ފާސްކުރުމާއި، 49 ވަނަ ޖަލްސާގެ އެޖެންޑާގައި ހިމެނޭ ކަންތައްތަކާބެހޭ ގޮތުން މަޝްވަރާކޮށް ގޮތެއް ނިންމުމަށެވެ.

މި ޖަލްސާގެ އެޖެންޑާގައިވާ ކަންތައްތަކުގެތެރެއިން  10 ކަމެއް މި ޖަލްސާއިން ނިންމާފައިވެ އެވެ. މި ގޮތުން ނިންމި ކަންތައްތަކުގެތެރޭގައި:-

• ސިވިލްސާރވިސް ކޮމިޝަނުން ގއ އަދި ގދ އަތޮޅަށް އަމާޒުކޮށް ބޭއްވުމަށް ހަމަޖެހިފައިވާ ވޯރކްޝޮޕް ފަސްކޮށްފައިވާ ކަމަށް ސިވިލްސާރވިސް ކޮމިޝަނުން އަންގަވާފައިވާތީ، އަލުން އެ ވޯރކްޝޮޕް ބާއްވާނެ ތާރީޚެއް އެ ކޮމިޝަނުން އެންގެވުމުން އެކަމާއި މެދު މަޝްވަރާ ކޮށް، މި ވޯރކްޝޮޕްގައި އަތޮޅުކައުންސިލުން ބައިވެރިކުރާނެ ބޭފުޅުން ހަމަޖެއްސުން.

• ކައުންސިލްގެ އަހަރީ ރިޕޯރޓް 16 ފެބުރުވަރީ 2012 ވާ ބުރާސްފަތި ދުވަހު ބާއްވާ ޖަލްސާއަށް ހުށަހެޅުއްވުން.
• އަތޮޅު ކައުންސިލްގެ ފައިސާ ޚަރަދު ކުރުމުގައި ކައުންސިލްގެ ނާއިބު ރައީސް މަސްޢޫދު އަޙުމަދުގެ ބެއްލެވުމުގެ ދަށުން ފައިސާއާއިބެހޭ ސެކްޝަން ހިންގާ ގޮތަށް ހަމަޖެއްސުން.
• ލައިސަންސްކާރޑް ހެދުމަށް ބޭނުންވާ ޕްރިންޓަރ އާއި، ސައިންޕޭޑް އަދި ފިންގަރ ޕްރިންޓް ސްކޭނަރ ގަތުމަށް ވެވޭ އެއްބަސްވުން ދެބައި ވަކިކޮށް ދެ އެއްޗެއްގެ ގޮތުގައި ހެދުމަށް.
• އަތޮޅު ލޯންޗަށް ގަތުމަށް ބޭނުންވާ ބައެއް ސާމާނު ތަކާއިބެހޭ ގޮތުން މަޝްވަރާ ކޮށް، އެ ތަކެއްޗަކީ އަތޮޅު ލޯންޗަށް ކޮންމެހެން ބޭނުންވާ ތަކެތި ކަމަށްވާތީ އެތަކެތި ގަތުމަށް ހަމަޖެހުނު.
• އެންވަޔަރަންމަންޓަލް ޕްރޮޓެކްޝަން އޭޖެންސީއިން ބާއްވާ ޖަލްސާގައި ބައިވެރިވުމަށް އަތޮޅުކައުންސިލްގެ ޒިންމާދާރުވެރިޔާ މުޙައްމަދު ނަޞީރު ޢަލީ ހަމަޖެއްސުން.

• އަތޮޅުގެ މާސްޓަރ ޕްލޭން ހެދުމާއިބެހޭ ގޮތުން މަޝްވަރާކޮށް، ސިމާދު ސަޢީދު މިހާރު ހުންނެވީ އޮސްޓްރޭލިޔާގައިކަމަށްވާތީ، އެނބުރި ރާއްޖެ ވަޑައިގަތުމުން އެކަން ކުރިއަށް ގެންދިއުން.
• ވިލިނގިލީ ވަގުތީހިޔާގައި ކުރެވިފައިވާ މަސައްކަތްތަކުގެ ފައިސާ ނުލިބޭތީ ވިލިނގިލީ ކައުންސިލުން އަތޮޅުކައުންސިލް އިދާރާއަށް ފޮނުއްވާފައިވާ ސިޓީއާއި ގުޅިގެން އެ ފައިސާއާއި ބެހޭގޮތުން ވިލިނގިލީ ކައުންސިލް އިދާރާއާ މަޝްވަރާ ކުރެއްވުމާއި، އަދި ޑިޒާސްޓަރ މެނޭޖްމަންޓް ސެންޓަރަށް ފައިސާ ހޯދުމަށް އެދި ސިޓީއެއް ފޮނުއްވުން.

• އަތޮޅުގެ ޤުރުއާން މުބާރާތް ބާއްވާނެ ރަށެއް ކަނޑައެޅުމަށްޓަކާ ރަށްރަށުން ފޮނުއްވާފައިވާ ޕްރޮޕޯސަލްތައް ބެލުމަށްފަހު، އެންމެ ރަގަޅު ހުށަހެޅުމެއް ހުށަހަޅުއްވާފައިވާ ރަށެއް ކަނޑައެޅުމަށްޓަކާ 15 ފެބުރުވަރީ 2012 ވާ ( ބުދަ ) ދުވަހު ބާއްވާ ކުއްލި ޖަލްސާއަށް އެމައްސަލަ ހުށަހެޅުން.
• މަސައްކަތު މީހުންގެ މަޤާމަށް ކުރިމަތިލައްވާފައިވާ ފަރާތްތަކުގެ ތެރެއިން އެންމެ ގިނަ ޕޮއިންޓް ލިބިވަޑައި ގެންފައިވާ 2 ފަރާތަށް އެ ވަޒީފާ ދިނުމަށް ނިންމުން.

މި ޖަލްސާގައި އަތޮޅުކައުންސިލަރ ޢަބުދުއްޞަލާމް މުޙަންމަދު ފިޔަވައި ހުރިހާ އަތޮޅު ކައުންސިލަރުން ބައިވެރިވެ ވަޑައިގެންނެވި އެވެ. އަތޮޅުކައުންސިލަރ އަބުދުއްޞަލާމް މުޙަންމަދު ހުންނެވީ ޗުއްޓީއެއްގައި އަތޮޅުން ބޭރުގައެވެ.

މި ސިޓީގައި އަތޮޅުކައުންސިލްތަކާއި ރަށުކައުންސިލްތަކަށް ލިބިގެންވާ އިޙްތިޞާޞްގެ ތެރޭގައި، ރަށްތަކާއި ދާއިރާގެ ތަރައްޤީއަށް ކުރަންޖެހޭ ކަންތައްތައް ކުރުމުގެ ޤާނޫނީ ބާރުވެރިކަމާއި، އަތޮޅުކައުންސިލުގެ އިދާރީ ދާއިރާއާއި ރަށުކައުންސިލްތަކުގެ ސަރަޙައްދުގައިވާ ޤުދުރަތީ ވަޞީލަތްތަކުގެ ފުރިހަމަ ބޭނުންކޮށްގެން ، ރައްޔިތުންގެ ކުރިއެރުމާއި ފާގަތިކަމަށް ، ރައްޔިތުން އެދޭ ގޮތެއްގެމަތިން މަސައްކަތްކޮށް، ޤާނޫނީ ހަމަތަކުގެމަތިން ކައުންސިލްތައް ހަރަކާތްތެރިވުމުގެ ފުރުޞަތު ސަރުކާރުން ފަހިކޮށްދެއްވައި ، ހުރިހާ ދާއިރާއެއްގައިވެސް ކައުންސިލްތަކަށް އެއްބާރުލުން ދެއްވާނޭކަމުގައި، މި ކައުންސިލުން ޔަޤީކުރައްވާ ކަމަށް ބަޔާންކުރައްވާފައިވެ އެވެ.

ކަނޑުހުޅުދޫ މިސްކިތުގެ ބިންގާއެޅުމުގެ ރަސްމިއްޔާތުގައި  މިނިސްޓަރ އޮފް އިސްލާމިކް އެފެއާރޒް ޑރ. ޢަބުދުލްމަޖީދު އަބުދުލްބާރީ ރައްޔިތުންނާއި ބައްދަލުކޮށް ވާހަކަފުޅު ދެއްކެވި އެވެ. އަދި މީގެ އިތުރުން އަތޮޅުކައުންސިލްގެ ރައީސް ހާރޫންރަޝީދު އަދި އަތޮޅުކައުންސިލަރ އާމިރު ޢަލީވެސް ވާހަކަފުޅުދެއްކެވި އެވެ.

ދާންދޫ މިސްކިތުގެ ބިންގާ އެޅުމުގެ ރަސްމިއްޔާތުގައި މިނިސްޓަރ އޮފް އިސްލާމިކް އެފެއާރޒ ޑރ.ޢަބުދުލްމަޖީދު އަބުދުލްބާރީއާއި، ދާންދޫ ކައުންސިލަރ އިމްރާން ވަޙީދު ރައްޔިތުންނާއި ބައްދަލުކޮށް ވާހަކަފުޅުދެއްކެވި އެވެ.

ދެރަށުގެ ދެ މިސްކިތުގެ ބިންގާއެޅުމުގެ ރަސްމިއްޔާތު ވެސް ކުރިއަށް ގެންދެވިފައިވަނީ ވަރަށް ކުލަދަގަކޮށްނެވެ.

މި ރަސްމިއްޔާތުގައި އަތޮޅުކައުންސިލް ގެ ރައީސް ހާރޫން ރަޝީދު، އަތޮޅުކައުންސިލަރ އާމިރު ޢަލީ އަދި މި ދެ ރަށުގެ ކައުންސިލަރުން ބައިވެރިވަޑައިގެންނެވި އެވެ. އަދި މީގެ އިތުރުން މި ދެރަށުގެ އެކި ދާއިރާތަކުގެ މުވައްޒަފުންނާއި، ރައްޔިތުންގެ ތެރެއިން ވަރަށް ގިނަ އަދަދެއްގެ މީހުން ބައިވެރިވެ ލެއްވިއެވެ.

މި ޖަލްސާ ބޭއްވިފައިވަނީ އަތޮޅުކައުންސިލްގެ 48 ވަނަ ޖަލްސާގެ އެޖެންޑާ ފާސްކުރުމާއި، 47 ވަނަ ޖަލްސާގެ ޔައުމިއްޔާ ފާސްކުރުމާއި، 48 ވަނަ ޖަލްސާގެ އެޖެންޑާގައި ހިމެނޭ ކަންތައްތަކާބެހޭ ގޮތުން މަޝްވަރާކޮށް ގޮތެއް ނިންމުމަށެވެ.

މި ޖަލްސާގެ އެޖެންޑާގައިވާ ކަންތައްތަކުގެތެރެއިން  12 ކަމެއް މި ޖަލްސާއިން ނިންމާފައިވެ އެވެ. މި ގޮތުން ނިންމި ކަންތައްތަކުގެތެރޭގައި:-

• ގެމަނަފުށީގައި ހަދަމުންގެންދާ 18 ނަމްބަރު ގޭގެ ދޮރާއި ދޮރުފަތް ޖެހުމަށް ވިލިނގިލީ ޑީޑީ ކާޕެންޓަރއާއި ޙަވާލުކުރުން.
• ގެމަނަފުށީގައި ހަދަމުންގެންދާ 18 ނަމްބަރު ގޭގެ މަސައްކަތް ކުރިއަށް ގެންދެވުމަށް ޙަވާލުވެ ހުންނެވި ޢަބުދުއްޞަލާމް މުޙައްމަދު ޗުއްޓީ ނަންގަވާތީ، އަތޮޅުކައުންސިލަރ އާމިރު ޢަލީއާއި ޙަވާލުކުރުން.
• އަތޮޅު އެކަފަރު ދޯނި މަރާމާތުކުރުމުގެ މަސައްކަތް އިބްރާހީމް ޞާބިރުގެ ބެއްލެވުމުގެ ދަށުން ވީހާ އަވަހަކަށް ކޮށް ނިންމުމަށް ޙަވާލުކުރުން.
• ވޭތުވެދިޔަ އަހަރު ކައުންސިލް ހިނގި ގޮތުގެ ރިޕޯރޓް ފެބްރުވަރީ 10 އަށް ނިންމުން.
• އަތޮޅުކައުންސިލް އިދާރާއިން އެގްރީމެންޓްކޮށް އެކި ފަރާތްތަކާއި ޙަވާލުކޮށްފައިވާ އެގްރީމެންޓްތައް އިޞްލާޙުކުރުމުގެ މަސައްކަތް ހުރިހާ ކައުންސިލަރުން ގުޅިގެން ވީހާ އަވަހަކަށް ނިންމުން.
• އިންސްޓިޓިއުޓް އޮފް ގަވަނަންސް އިން ހިންގާ “ ސެޓްފިކެޓް އިން މެނޭޖްމަންޓް ޑިވެލޮޕްމަންޓް “ ގެ 6 ވަނަ ބުރަށް ދާންދޫއާއި ކޮނޑޭ މި ދެރަށުން ކައުންސިލަރުން ހަމަޖެއްސުން.
• އަތޮޅުކައުންސިލްގެ އިދާރާއަށް އަލުން އުފެއްދި މަޤާމުތަކަށް މީހުން ހޯދުމުގެ މަސައްކަތް މިހާރުވެސް ގެންދާގޮތަށް ކުރިއަށް ގެންދިއުމާއި، އޮނިގަނޑުގައި އިތުރަށް ހުރި މަޤާމުތަކަށް މުވައްޒަފުން ނެގުމާބެހޭ ގޮތުން ސިވިލްސަރވިސް ކޮމިޝަނާ މަޝްވަރާކުރުމަށްފަހު ކުރިއަށް ގެންދިއުން.
• ވިލިނގިލީހުންނަ އެޗް.އާރު ކޮމިޓީއަށް އަތޮޅުކައުންސިލުން ކަނޑައަޅުއްވާ މަންދޫބަކީ ކައުންސިލްގެ ނާއިބް ރައީސް މަސްޢޫދު އަޙުމަދު ކަމުގައި ހަމަޖެއްސުން.
• އޯކިޑް ލޯންޗްގެ ސަލާމަތީ ސެޓްފިކެޓް ހެދުމަށް ޖުރުމާނާގެ ގޮތުގައި ދައްކަންޖެހުނު ފައިސާ ދައްކާނޭ ފަރާތެއް ކަނޑައެޅުމަށް ކައުނސިލްގެ ލީގަލް އެސިސްޓެންޓް މެދުވެރިކޮށް ޤާނޫނީ ލަފާ ހޯދުން.
• ވިލިނގިލީ ވާދީގޭ އަޙުމަދު މުޢީދުގެ ބެލުމުގެ ދަށުގައި ހުއްޓާ ގެއްލިފައިވާ އަތޮޅުކައުންސިލްގެ ލެޕްޓޮޕްގެ ބަދަލު ހޯދުމާބެހޭގޮތުން އޭނާ ކައުންސިލަށް ހާޟިރުކޮށް އިތުރަށް ވާހަކަ ދެއްކުން.
• ރަށުކައުންސިލް ތަކުން އައި.ޑީ.ކާޑް ހެއްދުމަށް ނަގަންޖެހޭ އެޕްލިކޭޝަންތައް ނެގޭނެގޮތް ހަމަޖެއްސުމަށްޓަކައި ކައުންސިލްތަކަށް ހޯދައިދިނުމަށް ހަމަޖެހިފައިވާ ތަކެތި ވިއްކުމަށް އެންމެ ކުޑަ އަގެއް ހުށަހަޅާފައިވާ އެޓޯލްމާކެޓާއި އެމަސައްކަތް ޤަވާޢިދުން ޙަވާލުކޮށް، 26ފެބްރުއަރީ2012 ގެ ކުރިން ރަށުކައުންސިލް ތަކުގައި އެ ޚިދްމަތް ޤާއިމުކުރުން.
• އަތޮޅުކައުންސިލްގެ އިދާރާއިން ލައިސަންސް ކާޑް ދޫކުރުމުގެ ޚިދްމަތް ދިނުމަށްޓަކައި އަތޮޅުކައުންސިލަށް ހޯދަންބޭނުންވާ ކާޑް ޕްރިންޓަރ ވިއްކުމަށް އެންމެ ކުޑައަގެއް ހުށަހަޅާފައިވާ އެޓޯލްމާކެޓާއި އެމަސައްކަތް ޤަވާޢިދުން ޙަވާލުކޮށް، 26ފެބްރުއަރީ2012 ގެ ކުރިން ރަށުކައުންސިލް ތަކުގައި އެ ޚިދްމަތް ޤާއިމުކުރުން.

މި ޖަލްސާގައި އަތޮޅުކައުންސިލްގެ ނާއިބް ރައީސް މަސްޢޫދު އަހުމަދު އަދި އަތޮޅުކައުންސިލަރ މުޙަންމަދު ސިޔާމް ފިޔަވައި ހުރިހާ ކައުންސިލަރުން ބައިވެރިވެ ވަޑައިގެންނެވި އެވެ. ނާއިބް ރައީސް މަސްޢޫދު އަހުމަދު ހުންނެވީ ޗުއްޓީއެއްގައި ރަށުންބޭރުގައެވެ. އަތޮޅުކައުންސިލަރ މުޙަންމަދު ސިޔާމް ހުންނެވީ އިންސްޓިޓިއުޓް އޮފް ގަވަނަންސް އިން ހިންގާ  ސެޓްފިކެޓް އިން މެނޭޖްމަންޓް ޑިވެލޮޕްމަންޓް  ކޯހުގައި ބަނޑޮހުގައެވެ.

މި ޖަލްސާއަށް އަތޮޅުކައުންސިލްގެ ނާއިބް ރައީސް އަލްފާޟިލް މަސްޢޫދު އަޙުމަދު އަދި އަތޮޅުކައުންސިލަރ އަލްފާޟިލް މުޙައްމަދު ސިޔާމު ފިޔަވައި ހުރިހާ ކައުންސިލަރުން ހާޟިރުވެ ވަޑައިގެންނެވި އެވެ.

އަތޮޅުކައުންސިލްގެ ނާއިބް ރައީސް އަލްފާޟިލް މަސްޢޫދު އަޙުމަދު ހުންނެވީ ޗުއްޓީއެއްގައި ރަށުން ބޭރުގައެވެ.  އަތޮޅުކައުންސިލަރ އަލްފާޟިލް މުޙައްމަދު ސިޔާމު ހުންނެވީ އިންސްޓިޓިއުޓް އޮފް ގަވަނަންސް އިން ހިންގާ  ސެޓްފިކެޓް އިން މެނޭޖްމަންޓް ޑިވެލޮޕްމަންޓް  ކޯހުގައި ބަނޑޮހުގައެވެ.

މި ބައްދަލުވުމުގައި އަތޮޅުގެ ދާއިރާތަކުން ސިވިލްސަރވިސްގެ 41 ބޭފުޅުން ބައިވެރިވެ ވަޑައިގެންނެވި އެވެ. މީގެ އިތުރުން މި ބައްދަލުވުމުގައި އަތޮޅުކައުންސިލަރުންވެސް ބައިވެރިވެ ވަޑައިގެންނެވި އެވެ.

މި ބައްދަލުވުމުގައި މަޢުލޫމާތު ދެއްވީ، ސިވިލްސަރވިސް ޓްރޭނިންގ އިންސްޓިޓިއުޓްގެ އެޓޮލް ޓްރޭނީންގެ ގޮތުގައި މި އަތޮޅުގައި ތިއްބަވާ ގއ. އަތޮޅުކައުންސިލްގެ ޒިންމާދާރުވެރިޔާ މުޙަންމަދު ނަޞީރު ޢަލީ، ގއ. މާމެންދޫ ސްކޫލުގެ ޕްރިންސިޕަލް އާޒިމް ޢަބުދުﷲ އަދި ގއ. ގެމަނަފުށީ ސްކޫލުގެ ލީޑިން ޓީޗަރ އިސްމާޢީލް ސައުދުﷲ އެވެ.

މި ރަސްމިއްޔާތުގައި ވިލިނގިލީގެ ބައެއް އިދާރާތަކުގެ މުވައްޒަފުންނާއި،  އާންމުންގެ ތެރެއިން ބައެއް މީހުން ބައިވެރިވިއެވެ.

އަތޮޅުކައުންސިލްގެ ރައީސް އަލްފާޟިލް ހާރޫން ރަޝީދު ޗުއްޓީއަށް ފެއްޓެވުން އޮފީހާއި ޙަވާލުވެ ވަޑައިގެން ހުންނެވީ އަތޮޅުކައުންސިލްގެ ނާއިބް ރައީސް އަލްފާޟިލް މަސްޢޫދު އަޙުމަދެވެ. އެއަށް ފަހު 14 ޖެނުއަރީ 2012 ވަނަ ދުވަހު ނާއިބްރައީސް އަލްފާޟިލް މަސްޢޫދު އަހުމަދު ޗުއްޓީފެއްޓެވުމުން  21 ޖެނުއަރީ 2012 ވަނަ ދުވަހާ ހަމަޔަށް އިދާރާ ހިންގެވުމާއި ޙަވާލުވެ ހުންނެވީ އަތޮޅުކައުންސިލަރ އަލްފާޟިލް އާމިރު ޢަލީ އެވެ.